Беларусь - адна з нешматлікіх краін, дзе адсутнічае закон аб абароне персанальных дадзеных. Такая сітуацыя прыводзіць да шэрагу праблем:
• дзяржава і бізнэс фактычна бескантрольна збіраюць і выкарыстоўваюць нашы персанальныя дадзеныя;
• нам не дазволена ведаць, хто, калі і з якой мэтай збірае нашы персанальныя дадзеныя, хто атрымлівае іх з дзяржаўных баз дадзеных;
• ніхто не кантралюе збор, захоўванне, апрацоўку і выкарыстанне персанальных дадзеных камерцыйнымі структурамі;
• нашы персанальныя дадзеныя захоўваюцца неапраўдана доўга, зыходзячы з мэтаў, для якіх яны збіраліся;
• мы ўвесь час чуем пра ўцечкі або нелегальнае выкарыстанне інфармацыі з баз даных дзяржаўных органаў ці, напрыклад, банкаў і мабільных аператараў.