Што мы прапануем рабіць

РПГА "Беларускі Хельсінкскі Камітэт" звяртае ўвагу на неабходнасць прыняць эфектыўныя захады па абароне персанальных дадзеных. У першую чаргу, Беларусі патрэбны адпаведны закон, які павінен змяшчаць наступныя пазіцыі:

1. Вызначэнне персанальных дадзеных. Да персанальных дадзеных павінна належаць любая інфармацыя, якая дазваляе ідэнтыфікаваць канкрэтнага чалавека;

2. Прынцыпы абароны персанальных дадзеных;

3. Правы носьбітаў персанальных дадзеных, якія ў тым ліку павінны ўключаць права атрымліваць інфармацыю пра тое, хто, калі і для якіх мэт звяртаўся за яго персанальнымі дадзенымі;

4. Абавязкі апрацоўшчыка персанальных дадзеных, у тым ліку па забеспячэнню бяспечнага захоўвання персанальных дадзеных;

5. Мэты захоўвання персанальных дадзеных;

6. Тэрміны захоўвання персанальных дадзеных. Персанальныя дадзеныя павінны захоўвацца на тэрмін, які неабходны для дасягнення мэты захоўвання персанальных дадзеных і знішчацца пасля заканчэння вызначанага тэрміну;

7. Парадак выкарыстання персанальных дадзеных. Павінна быць дакладна рэгламентаваная працэдура, якая дазваляе фіксаваць, хто, калі і з якой мэтай звяртаўся да персанальных дадзеных;

8. Незалежны орган, адказны за кантроль над абаротам персанальных дадзеных;

9. Адказнасць за парушэнне заканадаўства аб абароне персанальных дадзеных;

Акрамя таго, наследуючы прыклад еўрапейскіх краін, павінен быць створаны эфектыўны механізм кантролю за тым, як выкарыстоўваюцца персанальныя дадзеныя грамадзян.