РПГА "Беларускі Хельсінкскі Камітэт"

Актывіст прадпрымальніцкага руху, старшыня рады прадпрымальнікаў рынку «Ждановічы» Алесь Таўстыка быў затрыманы ўвечары 24 красавіка на выбарчым участку № 27 Сухараўскай выбарчай акругі № 30 падчас назірання за ходам датэрміновага галасавання. Ён з'яўляўся даверанай асобай кандыдата ў Мінскі гарадскі Савет дэпутатаў, актывіста «Руху «За Свабоду», Алеся Лагвінца.

Найбольшую цікавасць у Барысаве ўяўлялі выбары ў раённы Савет дэпутатаў па дзвюх акругах №7 і №15, дзе ў барацьбе за дэпутацкі мандат удзельнічалі "нязручныя" для вертыкалі кандыдаты.

Нядаўняга кандыдата ў дэпутаты Гарадзенскага абласнога і Бераставіцкага раённага Саветаў Алега Рамашкевіча выклікаюць у суд. Ён атрымаў позву на 28 красавіка а 9.30 - з’явіцца ў раённы суд на разгляд адміністратыўнай справы.

Учора, 26 красавіка, у Магілёве адбылася прэс-канферэнцыя, на якой дэмакраты Магілёва падвялі вынікі выбарчай кампаніі.

У Магілёўскай вобласці па папярэдняй інфармацыі сталі дэпутатамі двое дэмакратаў. Гэта прадстаўнікі аргкамітэта партыі “Беларуская Хрысціянская дэмакратыя” Жанна Шчарбініна (стала дэпутаткай Аўсянскага сельскага Савета) і Аляксей Цюлькоў (стаў дэпутатам Асіповіцкага райсавета).

Прадстаўнікі гомельскай кааліцыі АДС, незалежныя назіральнікі і кандыдаты ў дэпутаты правялі 26 красавіка ў Гомелі прэсавую канферэнцыю, на якой заявілі аб масавых фальсіфікацыях вынікаў выбараў.

Завяршэнне мясцовых выбараў на Гарадзеншчыне не прынесла, як і прагназавалася, сенсацый. Аніводны з дэмакратычных кандыдатаў не стаў дэпутатам.

Крыніца: Еўрамост.

Партыя БНФ, Рух “За свабоду”, незарэгістраваная ініцыятва “Маладая Беларусь” на чале з Артурам Фінькевічам засталіся без сваіх дэпутатаў мясцовых саветаў з прычыны фальсіфікацый пад час выбараў. Пра гэта лідэры згаданых арганізацый паведамілі 26 красавіка на адмысловай прэс-канферэнцыі.

Па словах старшыні Партыі БНФ Аляксея Янукевіча, кампанію, якая завершылася галасаваннем 25 красавіка, увогуле нельга назваць выбарамі.

Мясцовыя Саветы ўсіх узроўняў у Віцебскай вобласці сфармаваны. У бліжэйшы час выбарчыя камісіі завершаць падвядзенне вынікаў галасавання і пасля прадстаўлення адпаведных пратаколаў абласная выбарчая камісія будзе гатовая абвясціць афіцыйныя вынікі выбараў.

Па Казакоўскай выбарчай акрузе № 6 у Бабруйскім раёне на выбарчым ўчастку ў дзень выбараў прысутнічала невядомая жанчына. Яна давала сябрамі камісіі ўказанні, вучыла, як трэба працаваць, і знаходзілася за іх сталом. Назіральнікі спачатку падумалі, што гэта старшыня камісіі, але жанчына паведаміла, што яна назіральнік ад Беларускага саюза жанчын з бабруйскага райвыканкама. Прозьвішча жанчына назваць адмовілася, сказала, што яе завуць Раіса Ўладзіміраўна.

На Гагарынскім участку №5 г. Гарадка старшыня камісіі Вячэслаў Грыбанаў і сакратар Алёна Беланогава склалі адвольна пратаколы па пяці выбарчых акругах у мясцовыя Саветы.